Крајот на летото ќе го означи почетокот на натпреварот на производителите во продажбата на нивните модел. За некои веќе постојат информации и конкретни најави, додека за другите само се шпекулира. Погледнете ги најинтересните.
„Lenovo Yoga 3“
Кинеската компанија несакаше да открива многу информации за својот нов уред, кој исто како постарите генерации ќе биде комбинација на таблет и компјутер. Имено, дисплејот може да се врти за 360 степени, а воедно има и комплетна тастатура. Ќе работи на последната генерација на процесори на „Intel“, но останатите спецификации не се објавени.
Датум на лансирање: на почетокот на есента.
„Google Nexus 8“
По големиот успех на компанијата „Google“ со уредите од серијата „Nexus“, сите со нетрпение го очекуваат новиот таблет. Покрај тоа што ќе има „fullHD“ екран од осум инчи, многу повеќе внимание е посветено на новата верзија на „Android“, кој ќе донесе значајни подобрувања во квалитетот на работата, како и значително различен интерфејс. Од новиот „Nexus 8“ се очекува да остане во рангот на таблетите со пристапна цена.
Датум на лансирање: август/септември.
„HTC R12“
Освен тоа што се споменуваат како производителите на новиот „Nexus“, од „HTC“ неповрзано со тоа одлучија да претстават два нови таблети со оперативен систем „Windows“. Моделот „R12“ привлекува многу повеќе внимание затоа што доаѓа со екран од 12 инчи и 2К резолуција. Покрај тоа, работи на процесор со четири јадра, како и два гигабајти работна меморија. Ќе поседува и камера од 13 мегапиксели на задната страна.
Датум на лансирање: септември.
„iPad Air 2“
Компанијата „Apple“ оваа есен ќе донесе неколку нови модели. Покрај телефонот, интересот расте и кога станува збор и за втората генерација на таблетот „iPad Air“. Дијагоналта на дисплејот ќе остане иста 9.7 инчи, но тој ќе биде изработен од ново сафирно стакло. Тука е и новиот процесор кој ќе ја штеди батеријата, а кога станува збор за дизајнот се очекува да биде уште полесен и потенок во однос на претходникот.
Датум на лансирање: септември.
