Македонскиот репрезентативец Агим Ибраими беше двоен стрелец за Марибор на синоќешниот реванш натпревар од 3.коло од квалификациите за Лигата на шампионите.
Првакот на Словенија Марибор одигра нерешено 2:2 со Макаби Тел Авив и со вкупни 3:2 избори пласман во баражот од ова натпреварување.
Ибраими головите ги постигна во 36.та и 55.та минута, првиот за водство од 1:0, а вториот за изедначување на 2:2.
Покрај Марибор пласман изборија уште екипите на БАТЕ Борисов, Стандард и Лил.
Резултати од сiноќешните натпревари: Макаби Тел Авив – Марибор 2:2 (2:3 вкупно), БАТЕ Борисов – Дебрецин 3:1 (3:2), Панатинаикос – Стандард 1:2 (1:2) и Лил – Грасхоперс 1:1 (3:1).
Вечерва се играат другите реванш натпревари: Зенит – АЕЛ Лимасол (0:1 прв натпревар), АПОЕЛ – ХЈК Хелсинки (2:2), Малме – Спарта Прага (2:4), Шериф – Слован Братислава (1:2), Бешикташ – Феенорд (2:1), Стеауа – Актобе (2:2), Копенхаген – Днипро (0:0), Салцбург –Карабах (1:2), Селтик – Легија (1:4), Динамо Загреб – Алборг (1:0) и Партизан – Лудогорец(0:0).
