„Microsoft“ најверојатно работи на преставување на два нови уреди, досега познати под работните имиња „Tesla“ и „Superman“.
„The Verge“ известува дека Стивен Елоп за време не интерниот состанок ги покажал двата уреди и дека тие наскоро ќе бидат претставени на јавноста.
Веќе некое време се шпекулира за тоа дека „Microsoft“ работи на два ценовно прифатливи уреди. „Superman“ би требало да биде паметен телефон кој ќе биде идеален за „селфи“ фотографии, пред се благодарејќи на предната камера од 5MP. Што се однесува до останатите технички карактеристики, уредот би требало да биде на неименува процесор со четири јадра, поврзан со 1GB работна меморија. Овој 4.7-инчен модел би требало да биде претставен некаде во средината на август.
Смартфонот со работно име „Tesla“ би требало да биде наследник на моделот од линијата „7xx“, под ознаката „Lumia 730“. На интерниот состанок е опишан како уред од висок сегмент со пристапна цена.
Дизајнот на уредот најверојатно е многу сличен на „Lumia 930“, но е потенок и со помали димензии.
