Сите водечки светски производители на мобилни уреди, како што се „Samsung“, „LG“, „HTC“ и „Sony“, претставија „Mini“ верзии на своите водечки паметни телефони.
Но, според информациите кои пристигнуваат од тајванските „IT“ продавачи и добавувачи, таквите уреди не се продаваат во количини кои производителите ги имаат замислено, најверојатно поради лошиот однос на нивната цена и перформанси.
Некои од производителите ги нарекоа своите „Mini“ уреди со различни имиња (пример „LG G3 Beat“ и „Sony Mobile Z1 Compact“), но и тие забележа слаби продажни резултати.
Цените на „Mini“ смартфоните се движат меѓу 400 и 500 долари, додека цените на уредите на помалку познатите кинески производители, но со слични перформанси се движат меѓу 150 и 200 долари.
Слабите резултати на продажбата на „Mini“ уредите ќе ги натера водечките производители да ја променат својата бизнис стратегија. Прв таков пример е одлуката на компанијата „HTC“ во продажба да пушти евтина пластична верзија на својот премуим модел, познат како „HTC One E8“.
