29 март, 2024
ПочетнаНАЈНОВИ ВЕСТИLG претстави нов Android таблет со процесор на Intel

LG претстави нов Android таблет со процесор на Intel

lg tab book

LG ја зголемува палетата на таблети со новиот уред „LG Tab Book“. Тој беше претставен официјално преку корејската страница на компанијата.

Таблетот е со 11,6-инчен дисплеј со „Full HD“ резолуција. Тој ќе има модел број 11TA740 и практично има идентични спецификации со претходниот модел, кој сепак се потпираше на „Windows 8.1“ за својот оперативен систем.

Во спецификациите се вклучени уште и 4-тата генерација на процесорот „Intel Core i5 4200U“, 4GB RAM меморија, 128GB SSD за складирање на податоци. На располагање е уште слот за „MicroSD“ картичка, а видеообработката е доверена на „Intel HD Graphics 4400“. Таблетот располага со два стандардни USB 3.0 порта, како и стандарден „HDMI“ порт, а тежината на уредот е 1.05 килограм. Компанијата не ги соопшти податоците за капацитетот на батеријата.

Изненадувачки, сепак оперативниот систем е „Android 4.2.2 Jelly Bean“. Оваа верзија на зеленото роботче беше претставена во есента 2012-та година, што е доста време во технолошкиот свет. Особено имајќи предвид дека минатиот месец „Google“ официјално ја претстави новата генерација „Android L“.

„LG“ сепак не ја прецизираше цената и стартувањето на продажбата на таблетот, па може да се очекува, кога тој ќе се појави на пазарот да ја користи поновата верзија на „Android“.

НАЈНОВИ ВЕСТИ

ХОРОСКОП