Секој ден се појавуваат се повеќе новитети кои ни овозможуваат компјутерот да го контролираме без користење на глувче.
Новата компанија „Thalmic Labs“ би можела наскоро да претстави уред кој ќе се нарекува „Myo“. Станува збор за „лента за на рака“ која ќе ги следи сите наши движења и ќе ги претвора во команди на компјутерот, нешто слично што го прави глувчето.
Иако ваквата технологија не е ништо ново, тоа што ќе го разликува овој уред од другите е што не поседува камера која ги следи движењата.
„Ние ја градиме интеракцијата меѓу човекот и компјутерот. Многу сме возбудени од тоа како новиот компјутерски интерфејс ќе ги обликува нашите животи. За нас, „Myo“ е првиот чекор кон таа цел, а тоа сигурно ќе биде многу долг пат“, изјави портпаролот на компанијата „Thalmic Labs“.