29 март, 2024
ПочетнаНАЈНОВИ ВЕСТИLG го претстави смартфонот G3 Beat

LG го претстави смартфонот G3 Beat

lg-g3-beat

„LG“ официјално го претстави „G3 Beat“, верзија на уред од средна класа на својот водечки смартфон „G3“.

„LG G3 Beat“ се одликува со 5-инчен екран со резолуција од 1280 x 720 пиксели (294 PPI), како и „Android 4.4.2 KitKat“ платформа.

Што се однесува до хардверот, тука е процесорот „quad-core Qualcomm Snapdragon 400“ со такт од 1,2 GHz, 1 GB RAM и 8 GB интерна меморија со слот за „microSD“ картичка, камера од 8 мегапиксели покрај која од едната страна е „LED“ блиц, а од другата специјален ласер кој го мери растојанието и го забрзува автофокусот.

Овој уред ќе користи батерија од 2540mAh. „G3 Beat“, што се однесува до поврзувањето, вклучува „Wi-Fi b/g/n“, „Bluetooth 4.0“, „A-GPS“ со „Glonass“ и „NFC“. Дебелината на уредот е од 10,3 mm, а неговата тежина изнесува 134 грама.

„LG G3 Beat“ ќе дебитира утре во Јужна Кореја, а во Европа се очекува да пристигне во наредните недели.

НАЈНОВИ ВЕСТИ

ХОРОСКОП