„Intel“, „Dell“ и „Samsung“ го основаа „Open Interconnect Consortium“. Здружението е одговорно за поставување на стандарди и насоки за комуникација меѓу „Internet of Things“ (IoT) уредите.
Според зборовите на претставниците на „Intel“, со поврзување на термостати, лампи, аларми и системи за автоматизација, целта е развој на поврзаните уреди во автомобилската индустрија и здравството.
Уредите ќе комуницираат по пат на стандардни веќе достапни бежични технологии, како што се „Wi-Fi“, „Bluetooth“ и „NFC“. Покрај развојот на стандарди и планот за имплементација, во план е и развој на програма за сертифицирање на програмери и производители на хардвер.
Како што е обично со новите технологии, веќе постои и друга истакната група со своите стандарди. Тоа е „AllSeen Alliance“ која во друг табор ги подгрупира „Qualcomm“, „Microsoft“, „LG“, „Sharp“ и „Panasonic“.
