„Opel“ ги објави официјалните фотографии и технички детали на петтата генерација на моделот „Corsa“.
Со оглед дека од претставувањето на претходната верзија до овој модел поминаа осум години, се очекуваше дека „Corsa“ зa 2015-та ќе биде значително поразлична. Кога станува збор за надворешниот изглед, тоа не се случи.
Од друга страна, „Opel“ го модернизираше ентериерот, погонските и преносните системи, така навистина е во прашање целосно нова генерација на овој автомобил.
Фотографиите од маскираниот прототип веќе најавија дека предниот дел на новата „Corsа“ ќе ги превземе стилските елементи од моделот „Adam“.
Сепак, „Opel“ не го прекопираше дизајнот на својот најмал автомобил, туку само примени слична поставка на елементите како кај „Adam“.
Така во однос на сегашната „Corsа D“, фаровите се помали и поставени нешто повисоко, додека маската на ладилникот е спуштена пониско и вклопена е во предниот браник. Површината на хаубата има делови кои со неправилната форма на фарови допринесуваат за „агресивниот“ изглед на предниот дел на возилото.
Страните на автомобилот се направени по углед на моделите како што се „Astra“ и „Insignia“, па новата „Corsa“ има динамичен дизајн во однос на претходникот.
На прв поглед се чини дека на задниот дел на автомобилот единствено се променети фаровите кои личат на оние од „Merivа“, но доколку внимателно се погледа ќе се види дека се преобликувани и вратата на багажникот и задниот браник.
Како и досега, моделот со три врати и натаму визуелно се разликува од верзијата со пет врати, пред се поради задната странична површина во форма на „C“ столбовите.
Со оглед дека платформата е пренесена од претходната генерација, новата „Corsa“ по должина скоро е идентична на претходниот модел, односно е подолга за само 3 mm.
Автомобилот нуди скоро ист простор за патниците во кабината и за сместување на багажот (зафатнината на багажникот изнесува 285 mm).
Меѓутоа, атмосферата во внатрешноста е значително поразлична. Ентериерот е стилски подобрен, а дизајнот на централната конзола со седуминчниот екран на мултимедијалниот „Intellilink“ систем и командите за клима уредот, исто така се превземени од „Adam“.
Замерка може да се упати на положбата на екранот, кој е поставен прениско, па возачот мора да го трга погледот од патот пред себе кога ја користи навигацијата или содржините кои бараат визуелен контакт со дисплејот.
„Opel“ се потруди на купувачите да им понуди бројни содржини кои го зголемуваат комфорот и безбедноста во возењето. На располагање се греачи на предните седишта, воланот и шофершајбната, амбиентно осветлување на кабината, панорамски покрив…
Листата на електронски системи за асистенции и корисни содржини пофаќа, предупредување на возило кое се наоѓа во мртвиот агол, системот за автоматско подесување на долгите светла, предупредување за напуштање на сообраќајната лента по која се движи возилото, систем за автоматско паркирање, задна камера…
Производителот вели дека ги унапредил системите за суспензија и управување.
Возачот ќе може да избере едно од двете подесувања за суспензија – стандардно (Comfort) и потврдо (Sport).
Најголеми промени се случија под хаубата на автомобилот. Во понудата се наоѓа нов трицилиндарски 1.0-литарски „ECOTEC“ турбо-бензинец со директно вбризгување.
Купувачите ќе можат да изберат меѓу верзиите со 90 ks и 115 ks. Двете варијатни достигнуваат максимален вртежен момент од 170 Nm при 1.800 o/min.
„Opel“ засега не објави податоци за потрошувачката, но тврди дека во комбинација со „stop-start“ системот моторите трошат значително помалку гориво и емитуваат помалку штетни гасови, особено кога станува збор за бензинците.
Понудата на бензински мотори опфаќа и подобрена 1.2-литарска единица со 70 ks, т.e. 1.4-литарски со 90 ks.
Во врвот на бензинската палета се наоѓа 1.4-литарски мотор со турбо полење со 100 ks и 200 Nm максимален вртежен момент.
Кога станува збор за дизел моторите, „Opel“ потврди дека го подобри постоечкиот 1.3-литарски „CDTI“ така да ги задоволува „Euro 6“ стандардите и на располагање ќе бидат верзии со 75 ks и 95 ks.
Покрај тоа во понудата се и два нови менувачи, мануелен и автоматски, а и двата имаат по шест брзини.
Премиерата на „Opel Corsа“ зa 2015-та ќе биде одржана на саемот за автомобили во Париз во октомври, а автомобилот ќе се најде во продажните салони до крајот на годината, кога ќе биде позната и неговата цена и другите детали.
Какви се вашите први впечатоци за новата генерација на „Corsа“?
