Компанијата „HTC“ неодамна и официјално го претстави смартфонот „Desire 516“ во Кина, а тогаш немаше информација дали овој уред ќе се појави и на другите пазари.
Сега дозанаваме дека „HTC“ почнувајќи од август ќе го испорачува овој паметен телефон и на европскиот пазар, а неговата цена ќе биде 200 евра.
„HTC Desire 516“ го одликува 5-инчен екран со резолуција од 540×960 пиксели, како и „Android 4.2 Jelly Bean“ оперативниот систем прекриен со „HTC Sense UI v5.1“ корисничкиот интерфејс.
Кога е во прашање хардверот, тука е процесорот „Snapdragon 200“ со „quad-core“ и такт од 1,2 GHz, „Adreno 302 GPU“, 1 GB RAM и 4 GB интерна меморија, камера од 5 мегапиксели, како и батерија од 1950mAh.
