Љубителите на виртуелната забава можат да очекуваат игри со суперхерои, боречки вештини…
„Abzu“
Една од игрите за која може да се каже дека е направена да ги смирува гејмерите ќе пристигне во текот на една година. Со фантастична графика и музика, таа го води играчот низ длабочините на океанот и му овозможува да истражува бројни животни и растенија.
Платформа: „PS4“.
„Assassin’s Creed: Unity“
Играта која направи вистинска армија на обожаватели во октомври ќе ја добие новата верзија која овозможува мултиплеер, односно истовремено играње со пријателите (максимално тројца). Бегањето, прикрадувањето, качувањето по различни објекти сега е можно за што повеќе корисници.
Платформа: „Microsoft Windows“, „PlayStation 4“, „Xbox One“.
„Destiny“
Секако највозбудливиот наслов за оваа година. Станува збор за акција во прво лице која нуди единствен гејмплеј, огромен свет за истражување и исклучително напредна графика. Покрај тоа, тука е и мултиплеер опцијата која долго се очекуваше.
Платформа: „PlayStation 4“, „PlayStation 3“, „Xbox One“, „Xbox 360“.
„Mortal Kombat X“
Откако „Microsoft“и„Sony“ ги претставија „Xbox One“, односно „Playstation 4“, само се чекаше датумот за претставување на верзијата на „МК“ за нив. Најпознатата боречка игра максимално ги користи графичките способности на овие конзоли, па така прави пореалистичен приказ на борбите.
Платформа: „Microsoft Windows“, „PlayStation 3“, „PlayStation 4“, „Xbox 360“, „Xbox One“.
„Batman: Arkham Knight“
Секој сака игри со суперхерои, а оваа франшиза за Бетмен секако е една од најуспешните во историјата. Новиот дел носи подобрена борба, повеќе гаџети за совладување на непријателите и можност бетмобилот да се претвори во вистински тенк.
Платформа: „Microsoft Windows“, „PlayStation 4“, „Xbox One“.