„Mercedes“ работи на помала верзија на својата најнова „S сlasѕ“, која се очекува да дебитира до крајот на годината и да го оживее името „Maybach“.
Меѓутоа тоа нема да биде единствената луксузна верзија на „S сlasѕ“. „Mercedes“ исто така работи на екстра долгиот модел кој ќе се нарекува „Pullman“, а кој се очекува дека ќе биде најскапата лимузина на светот, кога конечно ќе се појави на пазарот.
Моментално најскапа лимузина е „Rolls-Royce Phantom“, модел кој стартува со цена од 400.000 долари. Според информациите, новата „S сlasѕ Pullman“ ќе чини двојно повеќе од таа сума, а цената може да порасне и преку милион долари, доколку се нарача „најсилниот“ степен на безбедност.
„Pullman“ нема да биде обична лимузина, туку се очекува да биде свечено возило насочено кон претседателите, светските државници и ултра богатите поединци.
Засега се уште нема официјални информации кога би можеле да ја видиме новата „S сlasѕ Pullman“, но прототипи на оваа лимузина веќе беа забележани, па тоа сугерира дека таа би можела да се појави во наредните 12 до 18 месеци.
