Сите друштвени мрежи како што се „Instragram“, „Facebook“, „Twitter“, „Linkedin“, „Google“, „Tumblr“, на интернет страните користат сина боја затоа што таа асоцира на мир, опуштање и сигурност.
Како што наведува францускиот магазин „Slate“, сината боја е боја на природните елементи, небото и морето, и која веќе традиционално за своите производи ја користи фармацевтската индустрија, информатичките компании, полицијата, поточно сите сектори кои на своите корисници требаат да им влеват доверба, сигурност, безбедност…
Една од причините поради тоа што „Facebook“ има сина боја е тоа што основачот на оваа друштвена мрежа Марк Цукерберг е далтониста, а сината боја е таа која тој најдобро ја препознава.