Компанијата „Samsung Electronics“ го претстави „Galaxy S5 mini“, компактна верзија на нивниот премиум смартфон „Galaxy S5“.
„Секогаш се стремиме да создадеме уреди кои ќе одговараат на различните вкусови и стилови на купувачите. „GALAXY S5 mini“ им овозможува на корисниците да уживаат во подобрениот дизајн и во суштинските и неопходни функции на уредот „Galaxy S5“ преку исклучително минималистички пристап“, вели генералниот директор и претставник за „IT“ и мобилни комуникации.
Опремен со „HD Super AMOLED“ екран до 4.5 инчи (720 x 1.280), „GALAXY S5 mini“ нуди живописно искуство на гледање, а неговата компактна големина на корисниците им дава дополнителна удобност со едноставно управување на уредот со една рака.
Како и „поголемиот брат“, „GALAXY S5 mini“ поседува единствена перфорирана линија на задната страна, а тука е и „IP67“ сертификатот (телефон отпорен на вода и прашина), „Ultra Power Saving Mode“, монитор за отчукување на срцето, скенер за отисок на прстот и поврзување со најновите преносни уреди на „Samsung“.
„Galaxy S5 mini“ e опремен со процесор со четири јадра од 1,4 GHz, 1.5 GB работна меморија и 16GB интерна меморија, додека камерата од осум мегапиксели создава јасни фотографии и видео снимки.
Кога оперативниот систем е во прашање, „S5 Mini“ поседува „Android 4.4 KitKat“.
„Galaxy S5 mini“ се очекува во текот на летото да биде достапен скоро на сите пазари во светот.
