Извршниот директор на групацијата „РЅА“, Карлос Таварес, неодамна изјави дека од понудата ќе бидат исфрлени сите непрофитабилни возила. Тие критериуми ги задоволуваат „Peugeot 807 minivаn“, „207 +“, но и „4008“.
Планот на Таварес е до 2018-та година да го намали бројот на модели во понудата од 25 на 16, а до 2022-ра на само 13.
Продажбата на „minivаn“ модели во Европа во последните години е во голем пад. „Peugeot“ во првите пет месеци од оваа година испорача само 836 примероци од моделот „807“, што е 40 проценти помалку во однос на истиот период од минатата година.
И кросоверот „4008“ не успеа кај купувачите, но за неговото згаснување се уште нема официјална потврда, иако француските медиуми пишуваат дека и тоа наскоро ќе се случи.
„Peugeot“ најверојатно нема да ги произведува ниту наследниците за кабриолетите „207CC“ и „308CC“, но е потврдено дека „RCZ“ ќе добие наследник.
