„Land Rover“ го претстави прототипот „Range Rover Sport SVR“ пред неговото официјално деби на манифестацијата „Goodwood Festival of Speed“.
Дизајниран да биде најбрзиот и најмоќниот „Range Rover“ кој некогаш бил преставен, прототипот „SVR“ нуди вовед во производниот модел кој на пазарот ќе се појави во текот на наредната година.
Овој прототип го одбележува и почетокот на користењето на „SVR“ ознаката која се користи за да се разликува од идните модели со високи перформанси развиени од страна на одделението „Jaguar Land Rover Special Operations“.
За жал, прототипот е истиот модел кој претходно беше забележан, па така да не открива ништо повеќе освен истакнатата предна страна на која доминира маската со големите отвори за воздух.
Видлив е и нов заден браник со интегриран дифузор и издувен систем со четири излезни цевки, а тука и сетот на масивни алуминиумски тркала и сопирачкиот систем со високи перформанси.