Корисниците на „Twitter“ во Индија имаат можност да ја тестираат новата експериментална функција внатре во „Android“ апликацијата на „Twitter“.
На интернет се појавија фотографии кои прикажуваат посебно копче кое е наменето за „WhatsApp“ и кое се наоѓа на врвот на екранот, близу местото каде се наоѓа „share“ копчето и покрај иконата за пребарување.
Извршниот директор на „WhatsApp“, Јан Кум претходно изјави дека Индија е пазарот кој бележи голем раст кога станува збор за оваа апликација, така да има смисла тоа што „Twitter“ новата функција ја тестира токму во оваа земја.
Се уште не е познато на колку лица им е достапна оваа функција, ниту тоа дали ќе остане само во фаза на тестирање или наскоро ќе имаме можност активно да ја користиме.