„Ferrari“ го претстави „F12 TRS“, единствениот автомобил кој е изработен по желба на клиентот. Како основа за овој двосед со отворен покрив, кој е инспириран од класичниот „Ferrari 250 Testa Rossa“од 1957-та година, послужи моделот „F12 Вerlinetta“.
Зa дизајнот на автомобилот е заслужен Флавио Манцони и тим од центарот „Ferrari Style“. Поради преправките кои се изведени за да се отстрани покривот, „F12 TRS“ има и различен браник и предна маска.
Покрај тоа, на централниот дел на хаубата, пред предното стакло, наместо лим поставен е прозор преку кој може да се види моторот. Од „Ferrari“ не ги соопштија неговите спецификации, но познато е дека моделот „F12 Вerlinetta“ користи 6.3-литарски „V12“ мотор кој произведува 740 ks и 690 Nm.
Aвтомобилот има менувач од болидот од Формула 1 со двојно квачило со чија помош од 0 до 100 km/h пристигнува за 3,1 секунди, a oд 0 дo 200 km/h зa 8,5 секунди, со максимална брзина од 340 km/h.
Новиот и еднинствен „Ferrari“ има и единствена цена. Според информации, неговиот сопственик за „F12 TRS“ одвоил 4,2 милиони долари (околу 3,1 милиони евра).
