„Peugeot“ ги објави техничките податоци и фотографии на редизајнираниот модел „508“. Француската компанија во промоцијата го вклучи и најдобриот српски тенисер со кој соработуваат од почетокот на годината.
Четири години по појавувањето на пазарот, „Peugeot 508“ доби нов изглед и технолошки подобрувања кои вклучуваат и нови, ефикасни погонски единици.
Со редизајнот се опфатени сите три модели од семејството „508“: лимузина, караван и крос моделот „RXH“.
Кога станува збор за дизајнот на надворешноста, досегашните меки и заоблени линии на предниот дел го отстапија местото на острите рабови.
Маската на ладилникот е подигната и нагласена со проширена хромирана рамка. Променета е и хаубата, како и фаровите и браникот, додека амблемот на компанијата е преместен од хаубата на централниот дел на маската, а „Peugeot 508“ доби и модерни дневни „LED“ светла.
Лимузината и краванот имаат и променет заден браник и редизајнирани стоп светла.
Визуелните промени во внатрешноста се дискретни, но се значајни во функционална смисла. На централната конзола се наоѓаат помали копчиња, затоа што некои команди се преместени на седуминчниот екран од мултимедијалниот систем.
Технолошките подобрувања вклучуваат и сензори за отривање на други возила кои се наоѓаат во „мртвиот агол“ и задна камера.
Во палетата на мотори се внесени три нови единици. Наместо 1.6-литарскиот „Euro 5 THP“ бензинец со 156 ks, во понудата исто така ќе се најде и 1.6-литарски „THP“, но со 165 ks, кој има мала емисија на јаглерод-диоксид (131 g/km) и ги задоволува „Euro 6“ стандардите.
Овој мотор доаѓа во комбинација со шестстепен мануелен или шестбрзински автоматски менувач.
Купувачите можат да изберат и меѓу два нови дизел мотори. Станува збор за 2.0-литарски „BlueHDi“ агрегат со 150 ks (eмитува 105 g/km CO2) и 180 ks (111 g/km).
Првиот мотор е поврзан со мануелен шестбрзински, а другиот со шестстепен автоматски менувач.
„Peugeot 508“ зa 2015-та ќе има премиера во август, кога истовремено ќе биде изложен на авто-саемите во Москва и кинескиот град Ченгду, додека продажбата во Европа ќе започне на почетокот на септември.
