Француски „Archos“ претстави нов модел на паметен телефон со „Android“ оперативен систем наречен „50c Oxygen“.
Новиот „50c Oxygen“ има 5-инчен „IPS“ екран со резолуција од 1280 x 720 пиксели и е во состојба да прикажува 16,7 милиони бои. Овој уред работи на процесорот со осум јадра „MediaTek – MT6592 SoC“ со такт од 1,7 Ghz, има 1 GB RAM, 8 GB интерна мемеорија, како и поддршка за „Dual-SIM“.
Доколку почетните 8 GB не ви се доволни, истите можете да ги зголемите по пат на „micro SD“ картичка со дополнителни 64 гигабајти. Како и повеќето модели на пазарот и „Archos 50c Oxygen“ доаѓа со поддршка за „Wi-Fi“, „Bluetooth“ и „GPS“, како и две камери.
Задната камера има „BSI“ сензор и резолуција од 8 MP, дополнително опремена со „Autofocus“ и „LED“ блиц, т.е. можност за снимање на видео записи во 1080p резолуција. Предната камера која најчесто се користи за видео повици има резолуција од 2 MP.
Од „Archos“ посебно истакнуваат дека меѓу поддржаните видеа (AVI, MP4 i 3GP) формати се наоѓа и H.264 (1080p), т.е. H.265 (720p/VP9). Покрај стандардните „Google“ апликации и сервиси (Google Play, Chrome, Now, YouTube, Gmail, Hangouts, Maps и Calendar), „Archos“ вклучи и апликации за „FM Radio“, „Diktafon“ и „Email“.
Уредот има димензии од 145 x 69,8 x 7,64 милиметри, тежина од 140 грама, а користи батерија со капацитет од 2000 mAh. „Archos“ e уред опремен со „Android“ оперативниот систем од нешто постарата генерација – „Jelly Bean“ во верзијата 4.2.2.
Овој смартфон е веќе достапен за купување, а чини 179 фунти или 303.67 долари.