Во рамките на „Messenger“ сега можеме да испраќаме и видео кое трае 15 секунди, нешто слично како и на „Instagram“, a додадена е и опцијата „Big Like“ со која можеме да нагласиме дека нешто многу ни се допаѓа.
„Facebook“ ја надогради својата апликација за испраќање пораки, па така сега корисниците добија можност покрај пораките да испратат и видео снимка со траење од 15 секунди и тоа во рамките на апликацијата.
Покрај тоа, додадена е и опција кога на некој од пријателите сакаме да му покажеме дека нешто во комуникацијата многу ни се допаѓа.
Тој „Big Like“, односно уште поголемиот знак „палецот горе“, можете да го испратите доколку притиснете и малку подолго го држите на копчето „Like“.
Новиот „Messenger“ на најголемата друштвена мрежа е достапен за „iOS“ и „Android“ уредите.
