„Skype“ зa „iOS“ доби ново издание. Според информациите од „Microsoft“, станува збор за голема надоградба, па така верзијата за „iOS“ станува слична на апликациите за „Android“ и „Windows Phone“.
Покрај промената на интерфејсот, новиот „Skype“ зa „iOS“ ќе биде дури пет пати побрз, а ќе има побрзи анимации и скролање. Исто така, новина е и синхронизацијата на пораки со различни уреди, па така порака ќе биде прочитана на компјутер и означена како прочитана и на „iPhone“.
Дополнително ќе биде можно испраќање пораки и на контакти кои се „offline“, a тие ќе им бидат испорачани кога ќе се конектираат на „Skype“. Креирањето на групни разговори исто така ќе биде овозможено.
Новиот „Skype 5.0“ ќе биде достапен за превземање од „App Store“ до крајот на неделата.
