Ако сте сопственици на „Ferrari“, „Lamborghini“ или „Porsche“, овој текст треба да ви е како предупредување. Новото возило на „Chevrolet“располага со 650 КС и може да ве стигне на некој од автопатите.
Моделот „Z06“ може да забрза до 100 км/ч за само 4 секунди, додека максималната брзина му е ограничена до 322 км/ч.
Просечнатакомбинирана потрошувачка на гориво е 14.67 л/100 км, додека возењето во градски услови ќе ве чини 22.77 литри.
Како што најавија од „Chevrolet“,автомобилот ќе биде пуштен во продажба во почетокот на 2015-та година, иако се очекуваше овој модел да замине во историјата.
Според луѓето од компанијата, сите заинтересирани купувачи ќе мораат да издвојат околу 80.000 долари, затоа што се очекува толку да изнесува почетната цена за основниот модел.
