„Google“ пред извесно времеобјави дека се уште во развој во областа на хардверот. Овој пат компанијата има создадено прототип на таблет со вградени „3D“ сензори.
Тој е дел од „Project Tango“, кој се обидува да развие мобилни уреди во поинаква светлина и да им даде можности да го„гледаат“ светот во три димензии. Таблетот е со 7-инчен дисплеј и користи процесор „NVIDIA Tegra K1“. Тој може да искористи 4GB RAM меморија, а за складирање на датотеки корисниците ќе располагаат со 128GB.
Оперативниот систем на таблетот е „Android 4.4 KitKat“. Тој ќе управува и со дополнителните камери и „3D“ сензори на уредот, преку кои ќе може да ги следи движењата на корисникот и да реагира на нив. Покрај тоа преку сензорите ќе може да се создаваат тридимензионални мапи и модели на околната средина.
Таблетот ќе биде официјално претставен за време на конференцијата „Google I / O“, која е на крајот на месецот. Тогаш ќе започне и продажбата на ограничена серија од таблетот која ќе е достапна само за програмери и ќе чини 1024 долари. Малку подоцна компанијата ќе лансира и софтверски пакет за развој на апликации.