Компанијата „Samsung“ веќе ја подготвува третата генерација на паметниот часовник „Gear“ и покрај фактот дека „Gear 2“ и „Gear 2 Neo“ се уште се нови уреди.
Според индустриски извор кој говорел за „The Korea Herald“, паметниот часовник на „Samsung“ од следната генерација (најверојатно ќе се нарекува „Gear 3“) ќе дојде во пакет со претстојниот фаблет „Galaxy Note 4“, кој се очекува во септември.
Иако се уште нема информации за тоа што ќе донесе „Gear 3“, се претпоставува дека ќе биде базиран на платформата „Tizen“.
Пред неговото претставување, „Samsung“ на јавноста ќе го претстави „Gear 2 Solo“, уредот кој ќе има поддршка за „SIM“ картичка.