Најновиот таблет од линијата на „Acer“ е „Iconia Tab 8“, кој сега и официјално е претставен. Тоа е буџетски таблет, кој за разлика од претходниот модел доаѓа со „full HD“ екран.
Станува збор за 8-инчен дисплеј со 1920 x 1200 (WUXGA) резолуција. Таблетот работи на „Intel Atom Z3745 Bay Trail“ процесорот со четири јадра со 2GB RAM-a и интерна меморија од 16GB или 32GB.
Таблетот доаѓа опремен со 802.11 a/b/g/n „Wi-Fi“ конекција и со „MIMO“ технологија, има „Bluetooth 4.0“, „microUSB“ порт, додека батеријата е доволна за преку седум часа работа.
Оперативниот систем е „Android 4.4. KitKat“. „Acer Iconia Tab 8“ ќе се најде во продажба на пазарот во Европа во средината на јули, по цена од 200 евра.
