Токму кога се чинеше дека војната е завршена, нова битка започна! Иако адвокатите на компаниите постигнаа одредени договори, изгледа дека „Apple“ во одредено дело не сака да попушти и побарана е нова забрана за продажба на смартфоните на „Samsung“.
Иако јавноста во патентната битка меѓу „Apple“ и „Samsung“ очекува финална победа на една од компаниите, изгледа тоа нема да се случи во скоро време. „Apple“ сега побара нова забрана за продажба на дури девет уреди на „Samsung“ на територијата на САД.
„Apple“ така од судот бара да одреди забрана за продажба на уредите „Admire“, „Galaxy Nexus“, „Galaxy Note“, „Galaxy Note II“, „Galaxy S II“, „Galaxy S II Epic 4G Touch“, „Galaxy S II Skyrocket“, „Galaxy S III“ и „Stratosphere“.
„Apple“ сега бара забрана за продажба на старите модели на смартфоните на „Samsung“, но доколку пресуди судот во корист на американците, тоа ќе значи уште еден пораз за јужнокорејскиот гигант.
