Во новата верзија на интернет прелистувачот „Chrome“е воведена поддршка за гласовно пребарување. Преку неа корисникот ќе може да користи и неколку дополнителни функции, а притоа повторно да го користи својот глас.
Функцијата е активрана постојано, но само е потребно на компјутерот да е поврзан микрофон. Корисникот само треба да изговори „OK Google“, кога отворил нов таб во прелистувачот или сајтот на „Google“. Тогаш автоматски се активира гласовното пребарување и корисникот ќе може да пребарува преку клучни зборови.
Гласовниот режим ќе овозможува и неколку дополнителни функции. Меѓу нив е можност за создавање на тајмер за одредено време. Ако корисникот го поврзе профилот со „Google Now“, ќе може да дава команди и до виртуелниот асистент на „Google“.
Можностите ќе бидат достапни за „Windows“, „Mac“ и „Linux“ компјутеритеза неколку дена. Првично ќе може да се употребува само англиски јазик, а постепено ќе се додадат и други.
Функцијата се деактивира стандардно, како што се активира, при посета на пребарувачот на „Google“, со кликнување на иконата со микрофон и притискање на копчето „Enable OK Google“.
