По неколку неофицијални фотографии, „Nissan“ официјално го претстави својот „370Z Nismo“ модел. Ова возило изгледа поагресивно од својот претходник и има преден дел инспириран од моделот „GT-R“ со „LED“ светла за дневно возење.
Тука се и црните рамки на предните светла, како и црвените украси на предниот спојлер. Автомобилот е опремен со ревидирани странични додатоци, нов заден спојлер, како и 19 инчни алуминиумски бандажи со сива завршница.
Во кабината се наоѓаат „Recaro“ седишта, волан од алкантара, како и црвен тахометар. Купувачите можат да ја порачаат и новата „Tech“ верзија во која се наоѓа „Bose“ аудио системот, ретровизорот кој се затемнува по потреба, како и „HomeLink“ систем со 7 инчен екран чувствителен на допир со „GPS“ навигација. Погонот на овој модел е обезбеден од 3.7-литарскиот V6 мотор кој развива 350ks и 374Nm вртежен момент.
Овој агрегат може да се поврзе со шестстепен манелен менувач или со новоразвиената седумстепена автоматска трансмисија, која поседува опции како што се „Downshift Rev Matching“, „Adaptive Shift Control“ и мануелен режим на работа. Овој модел во продажба ќе се појави во јули, но засега нема информации за цената.
