Минатата недела како бомба одекна веста дека „Apple“ ќе ја купи компанијата „Beats“, најпозната по производството на тренди слушалки. Официјална потврда за ова се уште нема, а извори блиски до компаниите велат дека процесот е одложен за одреден период.
Потпишувањето на договорот ќе се случи до крајот на следната недела, а причината за ова одложување се уште не е позната. Потоа, процесот на аквизиција треба да биде финализирана во период од два месеци.
Аналитичарите веруваат дека купената технологија ќе му помогне на „Apple“ за враќање на „iTunes“, но и подобрување на квалитетот на хардверот за звук кој компанијата го произведува.
Вредноста на оваа аквизиција изнесува 3.2 милијарди долари. Основачите на „Beats“, Др. Дре и Џими Иовине најверојатно ќе добијат некои раководни места во „Apple“.