Американскиот гигант „Microsoft“ со полна пареа влегува во сегментот на најпаметните домови. Компанијата објави дека склучила партнерство со фирмата „Insteon“ која е специјализирана за автоматизација.
Уште на први јуни годинава ќе биде пуштена нова апликација на „Insteon“ што ќе нуди посебни дополнителни функции достапни само за „Windows Phone 8“ и „Windows 8.1“. Меѓу нив спаѓа целосна интеграција со „Live Tile“ со можност за прикажување на статусот на сите уреди директно на почетниот екран на „Windows 8.1“
Оваа апликација ќе има подобрена и проширена поддршка на камерите, со можност за разгледување на неколку извори истовремено и можност за користење на камера без купување на „Insteon Hub“.
Ќе има и опција за полесно управување на неколку куќи или канцеларија преку еден „акаунт“. Ќе се нудат и специјални режими за деца и гости со ограничен пристап.
Постепено „Microsoft“ ќе започне да продава и производи на „Insteon“ во нивните продавници. Опсегот вклучува паметни „LED“ светилки, периферни уреди и дури цели колекции. Нема да се наметнуваат дополнителни такси за користење на уредите, откако корисникот си ги купил и ги инсталирал.
