И на обичниот „Mercedes Е63 AMG“ не му недостасува моќ, но оваа верзија на „Brabus“ ги поминува некои од границите на пристојното.
Тјунинг компанијата ја претстави својата верзија на моделот со 850 КС, но покрај моќта тука е и неговата специфична убавина. Седанот изгледа прилично повеќе „лут“ од претходно, а за тоа е заслужен бодикитот од карбон на предниот спојлер и повеќе спортскиот заден дифузор.
На овој автомобил се вградени 20-инчни бандажи од „Monoblock“ со гуми на „Continental“, „Pirelli“ или „Yokohama“. Од „Brabus“ нудат и посебен интериер од квалитетна кожа и карбонски елементи. Но сето тоа се само козметички промени.
Вистинската трансформација е под хаубата, каде се наоѓа V8 мотор, кој од 5.5-литарски сега е со зафатнина од 5.9 литри и е со ковано коленесто вратило, клипови и тепал, како и со оптимизирани цилиндрични глави.
„Brabus“ нуди и нов колектор, подобрени турбополначи, „high-performance“ издувниот систем и оптимизиран „ECU“ модул. Па така стигнале и до предметните 850 КС и 1150 Nm вртежен момент.
Тие поминуваат низ 7-брзински „MCT SPEEDSHIFT“ менувач, а „E63 AMG Brabus“ од 0 до 100 км/ч стигнува за 3,7 секунди, додека максималната брзина е 350 км/ч.
