Компанијата „HTC“ денес и официјално ја претстави мини верзијата на својот премиум смартфон, моделот „HTC One M8“.
Новиот уред има димензии од 137 x 65 x 10,6 mm, тежок е 137 грама, а треба да се истакне дека тука се и „BoomSound“ стерео звучниците кои се наоѓаат на предната страна.
„HTC One Mini 2“ ќе го одликува 4.5 инчен екран со 720p резолуција (326 ppi густина на пиксел), како и „Android 4.4 Kitkat“ оперативниот систем заедно со „HTC Sense 6“ корисничкиот интерфејс.
Во куќиштето овој смартфон ќе има „Qualcomm Snapdragon 400“ чипсет кој доаѓа со 1,2 GHz quad-core „Cortex A7“ процесор, 1 GB RAM меморија и „Adreno 305 GPU“.
Исто така тука е и 16 GB интерната меморија со слот за microSD картичка, камера од 13 мегапиксели, но овој пат без „UltraPixel“ технологијата, како и батеријата од 2100 mAh.