Серискиот „Audi S8“ има многу голема моќ, но во исто време и големи димензии и маса. Затоа експертите од компанијата „ABT Sportsline“ одлучија да го вложат своето дополнително знаење и енергија и оваа суперлуксузна лимузина да ја претворат во „ракета“ на тркала.
Во „ABT“ беа сигурни, дека „Audi S8“ може да биде „побрз“ и затоа му подарија тјунинг пакет со главна цел да се зголеми снагата на моторот. Серискиот „V8 Twin-turbo“ мотор доби максимална моќ од 640 KS и максимален вртежен момент од 780 Nm, што е пораст од 120 KS и 130 Nm.
Тоа се навистина интересни информации, но од „ABT“ не објаснија на кој начин дојдоа до зголемување на моќта и перформансите. „ABT Audi S8“ може сега да постигне максимална брзина од 280 km/h. Познато е дека „ABT Audi S8“ има нов издувен систем и централна електронска единица.
Покрај тоа, „Audi S8“ доби и нова електронски контролирана суспензија која се намалува за 25 милиметри. Купувачот ќе може да избере и атрактивни алуминиумски бандажи со пречник од 20 или 21 инч.
