Новиот смартфон на „BlackBerry“ со кодно име „Windermere“ ќе ја продолжи традицијата на „BlackBerry“ т.е. ќе се појави на пазарот со физичка „QWERTY“ тастатура.
Според информациите тастатурата најверојатно дополнително е подобрена во однос на претходните модели, па сега на корисниците им овозможува побрзо и ефикасно внесување на текст, а се шпекулира дека ќе овозможува внесување на текст со помош на гестови.
Корисниците ќе можат да се пофалат со 4.5 инчен екран со резолуција од 1440 x 1440 пиксели и густина од 453 ppi, камера од 13 MP со оптичка стабилизација, процесор „Qualcomm Snapdragon“, како и батерија од 3450 mAh.
Oперативниот систем кој се грижи за целиот вграден хардвер е „BlackBerry OS 10.3“. Сепак ова се првите информации за производот кој сеуште е во фаза на развој и поради тоа тие треба да се земат со одредена доза на претпазливост.
