За разлика од повеќето паметни телефони кои доаѓаат само обоени во златна боја, компанијата „Goldgenie“ поединечни примероци ги „облекува“ во вистинско злато.
Така и најновиот модел „HTC One“ (M8) доби куќиште од 24 каратно злато, а доколку златото многу ви светка можете да го купите и со куќиште од платина. Цените се во склад со материјалот од кој е изработен, па така за „HTC One“ (M8) сo жолто злато треба да одвоите 1.897 фунти, додека за моделот со црвено (Rose) злато, 100 фунти повеќе. Рекордер во цената е сепак платинестиот модел кој чини вкупно 2.097 фунти.
Доколку цените ви се чинат претерани, колку толку добра вест е тоа што во цената е вклучен и отклучен уред со 16 GB интерна меморија. Во случај веќе да го поседувате овој смартфон, истиот можете да го позлатите за сума од 1.000 фунти.