Баварскиот производител прославува 30 години од првиот „BMW M5“ со специјална верзија на најновата генерација на овој модел.
Иако приказната за „M“ верзиите на „BMW Serieѕ 5“ започна со моделот „M535i“ од 1979-та, но првиот „BMW M5“ е претставен во 1984-та.
Три децении подоцна, на патиштата може да се види петтата генерација на овој автомобил.
И додека регуларната верзија има 560 ks, одделението „М“ во „BMW“ за потребите на јубилејната серија го засили моторот на 600 ks, a максималниот вртежен момент порасна од 680 нa 700 Nm.
Дополнителната моќ се одразуваше и на перформансите, па така овој „М5“ со стандарден седумбрзински автоматски менувач со двојно квачило од место до „стотка“ забрзува за 3.9 секунди, што е за 0.4 секунди подобро време во однос на „обичниот“ „BMW M5“.
Максималната брзина и натаму останува фабрички ограничена на 250 km/h, но изборниот „M Driver“ пакет електронскиот лимитер може да се помести на 305 km/h.
Јубилејниот „M5“ ќе се разликува и по посебната „Frozen Dark Silver“ боја на надворешноста и по некои други стилски детали, како што се специјалните двобојни 20 инчни алуминиумски бандажи со димензии на гумите од 265/35 напред и 295/30 позади.
Внатрешноста е обложена со комбинација со „Merino“ кожа и „Alcantarа“, со неизбежните ознаки кои покажуваат дека станува збор за јубилеен модел.
Автомобилите од специјалната серија стандардно се опремени со пакетот „Competition“, кој кај регуларниот „BMW M5“ е достапен како опција. Овој пакет меѓу останатото содржи и прилагодлив за 10 mm понизок систем за суспензија и репрограмиран „M Dynamic“ режим за возење.
„BMW“ соопшти дека ќе бидат изработени 300 примероци од овој модел „M5“.
