Kомпанијата „Apple“ на својата интернет страна претстави две најевтини верзии на „MacBook Air“ и тоа со 11-инчи и 13-инчи екрани, како и со 128 или 256GB меморија.
Моделот „MacBook Air“со 11-инчи ќе се продава по цена од 899 долари и има 128 GB меморија, а според цената претставува досега најевтиниот „MacBook“.
Во историјата на компанијата само еднаш цената на „MacBook“ беше 899 долари и тоа кога „Apple“ понуди специјален попуст за образовните институции.
Овој лаптоп е сличен на претходниот модел „MacBook Air“, но секоја верзија чини 100 долари помалку од својот претходник и има побрзи и понови процесори.„Air“ сега е достапен за купување преку интернет страната на „Apple“.
Инаку, во текот на првите три месеци од оваа година продадени се 4.1 милиони примероци на лаптопот „Mac“, што е пет проценти повеќе во однос на истиот период од минатата година.
Тоа е импресивен раст на продажбата со оглед на тоа дека во текот на минатата година за седум проценти опадна продажбата на компјутери со оперативниот систем „Windows“.