„Microsoft“, новиот сопственик на компанијата „Nokia“, сака да произведува евтини телефони, со цел да ја врати славата на компанијата, која некогаш беше најголемиот производител на мобилни телефони во светот.
„Nokia“, пред да ја купи „Microsoft“, загуби голем дел од уделот на пазарот, додека „Samsung“ и „Apple“ се натпреваруваа за прилвекување на корисниците.
Компанијата „Nokia“ се здружи со „Microsoft“ во 2011-та година со цел да ја лансираат линијата на смартфони „Lumia“, заснована на „Windows Phone“ оперативниот систем.
„Windows Phone“ е најбрзо растечки еко-систем на пазарот на смарфтони, а според истражувањето на компанијата „IDC“, тој е третиот најголем оперативен систем во првиот квартал од оваа година.
Евтините мобилни телефони и смартфони се почесто се барани во Азија и Африка, па компанијата ќе се обиде да го зголеми својот удел на овие пазари.
