Сопствениците на нови автомобили на „Ferrari“ веќе можат да бидат сигурни дека цели 12 години нема да плаќаат ништо за своите возила, ако нешто се оштети.
Од 1-ви мај производителот на луксузни автомобили ќе воведе гаранциска програма во два дела. Сопствениците ќе можат да додадат две години на стандардниот 3-годишен период на гаранцијата или пак можат да изберат опција во која гаранцијата се обновува секоја година до 12-тата година по регистрацијата на возилото.
Сите нови модели на „Ferrari“ се дел од програма, вклучувајќи бесплатно, седумгодишно одржување. И додека тоа е добра вест за богатите купувачи, во соопштението на „Ferrari“ од компанијата признаваат и за еден друг мотив.
Оваа програма за поддршка има за цел да се одржува добрата состојба на возилата на патот и да ја задржуваат нивната вредност со поминатите години. Ова е момент, кој од „Ferrari“ постојано го истакнуваат од неодамна. Откако произведе 7.318 автомобили во 2012-та година, компанијата објави дека во 2013-та година е намалено производството.
„Мојот фокус во оваа и во наредните години е не да ја зголемуваме продажбата, туку да ја зголемуваме ексклузивност на „Ferrari“, вели претседателот на компанијата Лука ди Монтидземоло.
Помалку произведени автомобили значи дека секој продаден е повеќе вреден. Добрата гаранциска програма ја задржува оваа вредност со текот на времето. Планот на компанијата засега е успешен. Приходите на „Ferrari“ се зголемија за 5% во 2013-та година, а профитот за 8.3 % што доведе до рекордно ниво.