Откако компјутерски експерти открија сериозен проблем во безбедноста на протоколот за енкрипција на податоци „OpenSSL“, па интернет компаниите брзо почнаа да прават проверки на нивните сервери за да откријат кои од нив ја користат ранливата верзија на софтверот. Некои од нив веќе објавија дека всушност се засегнати, други се уште вршат проверки.
Во онлајн општеството за програмери „GitHub“ беше објавен долг список со веб-сајтови кои може да се погодени. Онлајн изданието „Mashable“ пак објави друга листа со реакциите на самите компании.
1. „Facebook“.
Социјалната мрежа најави дека не се забележани проблеми, но додаде направиле подобрувања пред „Heartbleed“ да биде јавно објавен. Компанијата им препорачува на корисниците да ги променат лозинките.
2. „Tumblr“.
Блог платформата била погодена од „Heartbleed“, но нема податоци за злоупотреби. Таа, исто така им препорачува на корисниците да ги сменат лозинките.
3. „Google“.
Погодени се „Gmail“, „YouTube“, „Wallet“, „Play“, „Apps“, „App Engine“ и „Search“. Компанијата има направено промени и вели дека не е потребно корисниците ги менуваат лозинките.
4. „Yahoo“.
Погодени се повеќе услуги на компанијата, но постепено проблемите се отстранети. Корисниците треба да ги сменат лозинките.
5. „Amazon Web Services“.
Погодени се дел од услугите, но се препорачува лозинките да бидат сменети за секој случај.
6. „Dropbox“.
Проблемот е веќе отстранет, но пожелно е лозинките да бидат сменети.
7. „LastPass“.
Препорачана е промена на лозинки.
8. „OKCupid“.
Проблемот е решен, но лозинките треба да се сменат.
9. „SoundCloud“.
Се врши ажурирање на софтверот, а лозинките треба да се менуваат.
10. „Wunderlist“.
Компанијата препорачува менување на лозинките.
Со необјаснет статус се: „Evernote“, „Twitter“, „eBay“, „Apple“ и „Netflix“.
Според „GitHub“ ова се потенцијално засегнатите сајтови: „LinkedIn“, „Amazon“, „Microsoft“, „AOL“, „PayPal“, најавија дека нивните услуги не се загрозени од „Heartbleed“.
