Како и секој друг производител на луксузни автомобили и „Ferrari“ по успешната година ги наградува своите работници со специјални бонуси.
„Ferrari“ во 2013-та година се потпре на стратегијата „ексклузивност, а не масовност“. Годишното производство е ограничено на 7.000 автомобили, а на купувачите им беа испорачани 6.922 возила, што на компанијата и донесе поголем профит отколку во 2012-та година.
За допринесот во остварените резултати, „Ferrari“ на секој вработен му исплати бонус од 4.096 евра, што е за 96 евра повеќе од претходната година.
Бонусите се составен дел од договорот кој раководството на компанијата го потпиша со синдикатот во 2012-та.
