Поради растот на пазарот на мобилните телефони и потребата за безбедност поради се поголемото користење на мобилни апарати, експертот за безбедност, компанијата „Авира“ соопшти дека на својата нова премиум апликација „Авира Антивирус Секјурити про“ и додала три нови функции.
Апликацијата е достапна за сите сопственици на Андроид смартфони и таблети.
„Авира Андроид Секјурити“ автоматски го скенира мобилниот апарат и бара вируси, „тројанци“ и други злонамерни програми. Корисниците, исто така, можат да ги блокираат повиците или пораките на одредени контакти.
Покрај тоа, корисниците можат да се пријават на my.avira.com и од далеку да го лоцираат својот апарат на мапата (со помош на ГПС, ви-фи или мобилен сигнал) или да активираат „аларм“ доколку исчезне (дури и ако звукот е исклучен), а исто така од далеку можат да заклучат или избришат содржина на апаратот, доколку е украден.
„Авира Андроид Секјурити“ апликацијата ја поддржува било кој смартфон што има оперативен систем Андроид 2.2 или повисок или таблет со минимална верзија Андроид 4.0.