Францускиот производител на автомобили Цитроен претстави нова модерна луксузна лимузина од серијата ДС со ознака 5ЛС Р, исклучиво наменета за кинескиот пазар.
Моторот на новата ДС лимузина е 1,6 литарски бензински мотор со вкупно 300 коњски сили, а преносот се врши преку секвенционален менувач.
Цитроен има посветено многу внимание на развојот на шасијата, сопирачките и суспензијата на новиот ДС 5ЛС Р, а во изработката на многу делови од возилото се користени карбонски влакна.
Новиот 5ЛС Р визуелно останува доследен на ДС линијата во однос на иновациите и луксузот и остава многу силен прв впечаток.
Спортскиот изглед се надополнува со 20 инчни фелни и карбонски сивата решетка ДС Вингс на предниот дел.
Внатрешноста на ДС 5ЛС Р концептот е целосно посветена на луксуз. Таа прекирена со кожа и Алкантар.
Седиштата, командната табла, горниот дел од вратите и средниот наслон за раце се украсени со бисерни делови во Кармин Ред боја.
Најновиот концептен автомобил на Цитроен се темели на автомобил од францускиот бренд наменет за кинескиот пазар и засега не е познато дали истиот ќе се најде во Европа.