Минатата година беше добра за „Huawei“ во која стана трет најголем светски производител на мобилни телефони и оствари рекордни приходи.
Вкупно компанијата остварила 239 милијарди јуани (38,5 милијарди долари) приходи, што е за 8,5% повеќе отколку една година претходно. Добивката истовремено порасна за 34%, на 21 милијарди јуани, односно 3.38 милијарди долари, што е најдобар резултат во последните три години.
Во компанијата имаат амбициозни планови и за иднина, најавувајќи дека до 2018-та година двојно ќе ги зголеми приходите од рекордната 2013-та година.
