„Samsung“ и „Apple“ отвораат нова страница во својата долга историја на долги судски битки меѓу себе. Двете компании се враќаат во федералниот суд во Сан Хозе, Калифорнија со нови обвиненија една против друга.
Новото дело наведува конкретни патенти користени при телефоните и таблетите кои компаниите сметаат дека се прекршени. Секоја од нив имаше право да одбере пет свои патенти и да достави докази за тоа дека се користат нерелугарно од конкурентот.
Па според „Samsung“ вкупно 10 уреди на „Apple“ ги прекршуваат нејзините патенти. Во нив спаѓаат „iPhone 5“, „iPad 4“, „iPad Mini“, „MacBook Pro“ и други генерации на „iPhone“ и „iPad“.
„Apple“ контрира со 10 уреди на „Samsung“. Меѓу нив се „Galaxy S3“, „Galaxy Note II“, „Galaxy Tab 2 10.1“, „Galaxy Nexus“ и други.
Случајот повторно ќе го води судијката Луси Кох, која водеше и други патенти спорови меѓу двете компании. Таа ги повика неколкупати извршните директори на двете компании да се состанат и да постигнат договор, но преговорите меѓу нив и не постигнаа нешто суштинско.
Ова е трета средба помеѓу „Samsung“ и „Apple“ во овој суд и дел во целата нивна судска војна, која трае во неколку земји.
