Откако го претстави својот премиум смартфон, моделот „HTC One M8“, тајванската компанија претстави уште еден „Android“ паметен телефон.
Станува збор за смартфон од пониската класа – „Desire 316“.
Овој уред моментално е присутен во Кина, но засега не е познато кога смартфонот ќе се најде на останатите пазари, како и по која цена.
Новиот паметен телефон има 5-инчен екран со „qHD“ (960×540) резолуција, а работи на оперативниот систем „Android 4.3 Jelly Bean“.
Кога се во прашање спецификациите, овој смартфон доаѓа со 1,2 GHz quad-core процесор (Snapdragon 200), 512 MB RAM и 4 GB интерна меморија, слот за „microSD“ картичка, камера од 5 мегапиксели, „Wi-Fi“, „Bluetooth“ и батерија од 1950 mAh.