Додека повеќето автомобилски производители Кина ја означуваат како клучен пазар за продажба на нивните возила, „Opel“ во јануари 2015-та година ќе се повлече од тој огромен пазар.
Во најнаселената земја во светот, германскиот производител на автомобили продаде само 4.365 возила, додека пак, „Buick“, во Кина пласираше 810.000 примероци.
Кога сме веќе кај „Buick“, „Opel“ ќе ги произведува моделите на овој бренд за американскиот пазар во својата фабрика во Ризелхајм.
Исто така, како што најавуваат од „Opel“, тие ќе вложат околу 250 милиони евра за целосно нов модел за кој засега нема повеќе информации.