Македонскиот вице-првак Металург по втор пат едно по друго обезбеди пласман во четвртфиналето на ракометната Лига на шампиони.
Металург и во вториот дуел од осминафиналето славеше победа против Колдинг на гостувањето во Данска со 30:26.
Уште еднаш тимот од Автокоманда го демонстрира врвниот европски квалитет и од самиот почеток па се до крајот го контролираше резултатот во своја полза.
Ренато Вугринец со 10 голови одново беше најдобар стрелец во редовите на Металург, а Павел Атман постигна 9 погодоци.
Металург сега е во друштво на Барселона, Фленсбург и Ветспрем екипи кои вчера го обезбедија своето учество во четвртфиналето.
