BMW дизајнира возови (фото)

Германската автомобилска компанија „BMW“ ќе дизајнира возови за новата подземна железница во Малезија.

Наскоро во местото Кланг Валеј, кое се наоѓа во близина на главниот град на оваа земја, Куала Лумпур, ќе се појават нови возови кои ги конструираше германскиот производител „Siеmens“, a кои дизајнерски ги осмисли „BMW“.

Во план е производство на 58 возови, кои ќе се движат без возач, односно без машиновозач. Секој од нив ќе биде составен од четири оддели и ќе може да собере 1.200 патници.

Возовите ќе бидат изработени од лесен нерѓосувачки челик, па така дури 95 проценти од возот ќе може да се рециклира.

Рокот на траење на овие возови кои ќе бидат готови до 2017-та година е 30 години.